DIWALI....a festival of light and happiness

deep jale hai jagmag jagmag
khushiya fail rahi hai pag pag...


ujiyara fail gaya hai ghar me
aa rhiu hai khushiya jivan me....


ghar me ho laxmi ka vaas
sabka hai bas yahi prayas......


saja rahe sab apne ghar ko
manaa rahe hai sab prabhuvar ko.....


raat amavas ki hai hoti
par andhiyare ki bhanak na hoti.....


ujiyaare ki hai ye sakti
mit jaati andhiyaare ki hasti.....


HAPPY DIWALI

aisi hi hai kashi....

Gali gali me ved dhwani har gali me hote samvad

Sankat mochan mandir me chadta rahe Prasad.

Bhole baba ajar amar hai chalo chale shri vishwanath

Kahi kachaudi ka maja to kahi chaka chak chat.

Kasha ka bharat milap hai ati vishwa vikhyat

Is man mugdhit lila ki hai ajab nirali baat.

Chetganj ki nak kataiyya ki hai kuch aisi hi baat

Ia alaukik drishya ka manchan hota aadhi raat

Yeh nahi keval 1 nagri hai,ye vibhinn sanskritiyo ki gagri hai

Kasht mitane aate log kyuki ye devo ki nagri hai

Varanasi sthith hai varuna ashi k beech

Jeevan hai ek banjar dharti upjau banakar usko seech

Paap mukt karti hai ganga,to aao le hum sab ek seekh

Paap mukt ho jae wo bhi,jo aae mere tumhaare beech.

Ye DUNIYA gol hai

Ye duniya gol haio bhaiya,ye duniya gol hai

Gundo ka hai chalta raaj,netao k bol hai.

Kyuki duniya gol hai.

Garibo ki nahi puch yha bas paise walo ka mol hai

Kyuki duniya gol hai.

Niyamo ka nhi mol yha sab jholam jhol hai

Kyuki duniya gol hai.

Neta mantri bhasan dete aur humko system samjhate

jabki system hi jhol hai….

Kyuki duniya hi gol hai.

Arey bhaiya duniya gol hai.

Sarkari school me bachhe to ate hai par sikshak hi gol hai

Kyuki duniya gol hai.

Arey bhaiya duniya gol hai.

Samajh sako tum is vyang ko to ye anmol hai nahi to ye b gol hai

kyuki duniya gol hai

SPANDAN

Jab koi tere man ko bhata

Tere tan me sihran failata

Jiski mridu bhasa k aagey

Saara nabh mandal jhukh jata

Jeevan me Deepak sa bankar

Tujhe sahi wo raah dikhta

Jab bhara ho tere dil me krundan

Bhar de usme wo spandan

Jab wahi dur ho jata hai

Dil ko badaa rulata hai

Yaade to rehti hai sangh me

Din me adhiyaara ho jata hai

Unko dil k pas rakho

Dil k andar kabhi nhi

Kyuki jab tan se ang alag hota hai

                                            Uske viyog me dil rota hai

PARENTS...The only god in real world...~!!!!~

duniya me do hi hagwan 
maa sita pita ram samaan.


inka koi na sani hai...
ye bat to jag ne maani hai


khud dhero kasht uthate hai
par humko na ye batate hai


jo najar mile hum bachho se inki
to hume dekh muskate hai...


ho maang humari badi ya choti har maang ko pura karte hai
chahe kasht utha le laakho ek choti si aah na bharte hai 


chahe hum bn jae kitne dhanwan
ya ban jae ek badi pehchan...


ek baat ka rakhenge sadaa hi dhyan
kabhi kam na ho inka samman...


kyuki is jhuthi aur matlab ki duniya me
jaha ek ore bas kalpanikta ki parchai hai


vahi dusri ore jo sachha bacha hai jag me
wo kuch aur nahi
bas maa baap ki sachhai hai........

jeevan....our life

Meri khaomshiyo se meri sham se milo,

Ye kya miya jab bhi milo kisi kaam se milo.

Ye janta hu mil k bichad jaoge

muddat ke baad ae ho aram se milo.

Poshak si badalti hai har shakshiyat yha

Kab tak kisi se uske naam se milo.

Khamoshiyo k pas hai lafzo ki daulat

Inse milo to itminan se milo.

corruption...

Bhrashtachaar bhrashtachaar band karo ye bhrastachaar

Anna bole bhrashtrachaar baba bole bhrashtachaar

Petrol pahuch gya 70 paar

Rasoi gas ki ho rhi hai maar

Bahut ho gya atyachaar ab band kro ye bhrashtaachaar

Suit boot me chor hazaar

Vyapar k naam pe kaala bazaar

Kar ankhe band so rhi sarkar

Dur kro tum bhrastachaar,bahut ho gya ye vyavhaar

Saara dhan saat samundar paar,is dhan pe kuch tum kro vichar

Bahut hua ab atyachar band kro ye bhrashtachaar

Rajya me bhukhe aur bimar

Hai bana rakhi murtiya(haathi) hazaar

Koi h yha  haathi pe sawaar to koi  kar rha punje se waar

Kitna kroge atyachaar ab band kro ye bhrashtaachaar

Jaag jao tum ab sarkar

Jis din janta jaag gai

Gir jaegi ye sarkar aur khatm hoga  bhrashtaachar…

-AMAN SRIVASTAVA

nadi ka kinara......

nadi ka kinara tha...

unka ana jana tha..

laal chunariya odhe rehti

jhuki ankho se sab kuch kehti

unki payal ki cham cham se

panchi cheh chaha jate 

unki hayaa ko dekh ke

pani me hilore aa jate

jo jhuk jati unki ankhe

din me adhiyara ho jata

jo vo halka sa muskati

samaa sugandhit ho jata

chal thi unki matwali

thi muskan badi hayaa wali

khul gai meri aankh achanak

subah bhi lagi badi bhayanak

dekh rha tha mai ek sapna suhana

jisme tha unka ana jana.

aam ka ped....!!!!!!!

mai ek aangan k aam ka ped
lage rehte the mujhe pe aam k dher

panchiyo ne bana rakha tha dera
baanaro ka tha khub basera

deta tha mai logo ko chaav
aur wahi karte the mujhpe ghaav

jab tak hare the mere khaal
mere neeche thi lagti chaupal

jab mai thutha aam ho gya
jab mai bilkul bekaam ho gya

patto ne bhi choda saath
khade kar liye apne hath

koi na puche ab mera haal
aur na hi lagti ab yha chaupal.

.......bhagwan.......

mai bhagwan mujhe mat baato
dharm k naam pe khud ko mat baato

baatne ka tumhe shauk jo itna hai
aapas me tum sukh dukh baato

baat ke mujhe tum kya paoege
na sukh milega na mujhe hi paoge

duniya bahut badi hai pyare
jeev jantu hai nyare nyare

unke sangh tum khushiya baato
apne jeevan se dukh ko chaato

jab tak pyar rahega jag me
prabhu milenge har ek pag pe.

mrityu.....the only reality of life

mrityu hi ek param satya hai
jeevan ka bas yahi tathya hai


rote hue sab dharti pe ate
sabko rula ke fir hum chale jate


bas yaadein sath reh jati hai
ye yaadein bada satati hai


dharti pe jo koi bhi aya
sab pal do pal ke sathi hai


has lo tum ji bhar k has lo
kuch alag karo aur sabka man har lo


jab tak saase hai jeevan me
teri ek asamaan si khyati hai


varna marne k baad o sathi 
ye mrityu bada rulati hai.

college life...wen its about to end

beet gae college k din saare.
dost bane kuch pyare pyare

kitne haseen pal sangh me gujare
yaad aenge wo din saare

chahe canteen ka samosa ho
ya kisi restaurant ka dosa ho

wo college bunk hmesha karna
wo teacher ki daat se darna

wo mall me jakar masti karna
ya maggi se pet ko bharna

wo sessional me detain ho jana
ya juniors se file likhwana

wo choti si baat pe ladai ho jana
ya ho dosto me compro karwana

ye yaade hi sath nibhaengi
ye to bada staengi

bhul na jana is din ko yaaro
chalo ab jor se TAALI maro.

jeewan mela bada jhamela..... :)

jeewan mela bada jhamela..
sukh dukh ka bas chalta khela...
sukh k badal jab ate dukh k kuch bunde bhi late

sukh dukh h parchai ki bhati
ye dono jeewan k sathi
dukh to humko bada rulati...
par sukh b h hume kam na hasati

ye sikke k do pehlu jaise
dukh ho to sukh ae na kaise
sab moh maya na kuch aur hai sathi
ye humko jina sikhlati.

shaadi......!!!!!!!!!

shaadi do jivan ka sangam....
shaadi to sangeet hai...
shadi bin jivan hai aadha..
shadi vidhi ki reet hai....

shadi do pariwar ko jode
ye khushiyo ki kyari hai
shadi jivan ka arth badal de
iski smaran matr hi pyari hai

shadi bada pavitra bandhan hai
shadi ek naya jivan hai
shadi ka ehsas suhana...
hai is satya ko sabne mana.

pagli ladki....

sama badi suhani thi...
raate bhi mastani thi....
sundar thi ankhe bhi uski 
chaa  badi mastani thi...

sab kehte the pagli usko...
kyuki vo sabse bagani thi...
sach me wo sabse sayani thi 
kyuki duniya se anjani thi...

na tha kuch khone se darna...
na hi tha ghut ghut k marna...
paap punya se na koi matlab...
na kisi insan se darna...

na tha rishte naato ka bandhan...
na hi swarth bhara ye jeewan..
na koi paise ka jhagda....
na kisi se koi bhi lafda....

wo thi khush kismat na ki koi pagli

pagal to hum sab h sathi...
jhulas rhe hai hum khud me hi...
tap rhe dekh duje ki khyati.....
.